काठमाडौं–निर्माता, निर्देशक, छायांकार एवं लेखक किशोर ढकाल तथा निर्माता एवंं प्रदर्शक छिरिङ दोर्जे लामाले राजधानीको जमलस्थित विश्वज्योति मलको तेस्रो तलामा नाक, कान घाँटी रोग उपचार केन्द्र(नेशनल इनटी सेन्टर) सञ्चालनमा ल्याएका छन् ।

नाक, कान, घाँटी विशेषज्ञहरुसँगको सहकार्यमा उनीहरुले केन्द्र सञ्चालनमा ल्याएका हुन् । नयाँवर्षको अवसर पारेर बुधबार पूजाआजा गरी सञ्चालनमा ल्याइएको केन्द्रले ३ दिने निःशुल्क नाक कान घांटी स्वास्थ्य परामर्श शिविर आयोजना गरेको छ । फिल्मकर्मी ढकालका अनुसार बुधबार शुरु भएको शिविर शुक्रबारसम्म चल्नेछ ।

केन्द्रमा नाक, कान, घाँटी विशेषज्ञहरु डा. दीपेन्द्र श्रेष्ठ, डा. रेश्की देव, डा. सबिना श्रेष्ठ, डा. राजेश देव र डा. जयनेन्द्र प्रधानाङग तथा अडियोलोजिस्ट विद्वान भुषाल र भागिमान विष्टको सहकार्य छ ।

केन्द्रमा नाक, कान र घाँटी सम्बन्धी सबै समस्याको परीक्षण तथा शल्यक्रियालगायतका परीक्षण हुने केन्द्रले जनाएको छ ।

सयौं फिल्म छायांकनका साथ थुपै्र फिल्म निर्देशन गर्दै आएका फिल्मकर्मी ढकालले स्वास्थ्य क्षेत्रबाट सामाजिक सेवा गर्ने उद्देश्यले सो उपचार केन्द्र सञ्चालनमा ल्याएको बताए ।