काठमाडौं– गायिका सुनिता दुलाल र गायक तथा संगीतकार दिनेश परियारको स्वरमा रहेको लोकदोहोरी गीत ‘हुन्न कसैको’ को भिडियो सार्वजनिक भएको छ ।
नयाँवर्षको पूर्व सन्ध्या पारेर यो गीतलाई गायिका सुनिताको च्यानलबाट सार्वजनिक गरिएको हो ।
गीतमा दिनेश परियारको शब्द, संगीत तथा एरेन्ज रहेको छ । भिडियोमा अर्जुन गौतम र आलिशा बास्तोला फिचर्ड छन् ।
भिडियोमा उनीहरुसँगै प्रकाशकुमार दर्लामी, सौगातजंग थापा, साइमन भट्टराई, कमला बस्नेत, समिक्षा भुजेलको पनि अभिनय छ ।
लेकमा बस्ने गोठालोहरुको कथा समेटिएको भिडियोमा युवराज खत्रीको निर्देशन र सम्पादन तथा सुजन श्रेष्ठको छायांकन छ ।
भिडियो दोलखा र सिन्धुपाल्चोकमा छायांकन गरिएको हो ।
प्रतिक्रिया