काठमाडौँ- दोस्रो लेगमा पराजित भए पनि इंग्लिस क्लब चेल्सी च्याम्पियन्स लिग फुटबलको सेमिफाइनलमा प्रवेश गरेको छ ।
क्वाटरफाइनलको दोस्रो लेगमा पोर्टोसँग पराजित भए पनि चेल्सी समग्रमा जित निकाल्दै सेमिफाइनलमा पुगेको हो ।
चेल्सी मंगलबार राति भएको दोस्रो लेगमा पोर्चुगिज क्लबसँग १-० गोल अन्तरले पराजित भएको थियो । तर, समग्रमा चेल्सी २-१ को जितसँगै अन्तिम चारमा पुगेको हो ।
पहिलो लेगमा निकालेको २-० को जितले चेल्सीलाई सेमिफाइनल पुर्याएको हो । पोर्टोलाई जित दिलाउन मेहदी तारेमीले निर्णायक गोल गरे पनि सेमिफाइनल पुर्याउन पर्याप्त भएन ।
चेल्सी सात वर्षपछि च्याम्पियन्स लिगको सेमिफाइनलमा पुगेको हो ।
प्रतिक्रिया