काठमाडौँ– भारतीय क्रिकेट टिमका पूर्व कप्तान महेन्द्रसिंह धोनी बुद्ध भिक्षुको अवतारमा देखिएका छन् ।
२०२१ ईन्डियन प्रिमियर लिग (आईपीएल) तयारीका लागि चेन्नई सुपर किङ्गसको प्रशिक्षण शिविरमा रहेका धोनी एकाएक भिक्षु अवतारमा देखा परेका हुन् ।
उनी भिक्षु अवतारमा देखिएको तस्विर स्टार स्पोर्टले सार्वजनिक गरेको हो । यो तस्विर अहिले सामाजिक सञ्जालमा भाईरल भईरहेको छ ।
यस्तै, आइतबार सोही तस्वीरसँग सम्बन्धित अर्को ९ सकेण्डको छोटो भिडियो क्लिप पनि सार्वजनिक भएको छ । धोनीले कुनै मन्त्र वाचन गरेको देखाइएको उक्त भिडियोको मन्त्र के हुन सक्छ भनेर अनुमान लगाउन भन्दै स्टार स्पोर्टसले ट्वीट गरेको छ ।
पूर्ण रूपमा बुद्ध भिक्षुको पोशाकमा देखिएका धोनीले आफ्नो कपालसमेत खौरिएका छन् । फ्यानहरूले धोनीको यो रूपलाई धेरै मन पराई रहेका छन् । साथै प्रतिक्रिया पनि दिई रहेका छन् ।
यो भिडियो र तस्वीर केका लागि खिचिएको हो प्रस्ट नभए पनि विज्ञापनका लागि धोनी भिक्षु अवतारमा देखा परेका हुन सक्ने बताईएको छ ।
उनले एक मार्शल आर्ट प्रशिक्षण क्याम्पको विज्ञापनका लागि यो तस्वीर खिचेको हुन सक्ने बताईएको छ ।
आईपीएलको १४ औं संस्करण अप्रिल ९ देखि शुरू हुँदै छ । यसको तयारीका लागि सबै फ्रन्चाईज टोलीहरूले शिविरको आयोजना गरिरहेका छन् ।
Mantra… avatar… we are as 🤯 as you are right now!
Give us your best guess as to what this mantra is that he's talking about and keep watching this space for the reveal. 😎 pic.twitter.com/km9AQ93Dek
— Star Sports (@StarSportsIndia) March 14, 2021
प्रतिक्रिया