काठमाडौं– ‘फूलबुट्टे सारी’ को फिमेल भर्सनमा अभिनय गरेको रिल जोडी पल शाह र मलिका महत अर्को एक म्युजिक भिडियोमा पनि एकसाथ देखिएका छन् ।

पल र मलिकाले अभिनय गरेको ‘टाढा भए पनि’ बोलको गीतको फिमेज भर्सन युट्युबमार्फत शनिवार सार्वजनिक गरिएको हो ।

गीतमा अस्मिता अधिकारी र अर्गेन डोंगको स्वर सुन्न सकिन्छ । यो म्युजिक भिडियोको ओर्जिनल गीतलाई उर्गेन डोङले यसअघि नै रिलिज सार्वजनिक गरेका थिए ।

पछिल्लो समय यो गीत रुचाइएको छ । गीत रुचाइएपछि यसको फिमेल भर्सन पनि तयार पारिएको हो । ‘टाढा भए पनि’ मा शब्द, संगीत र एरेन्ज उर्गेन डोङको रहेको छ ।

फिमेल भर्सनमा पल र मलिकालाई फिचरिङ गरिएको छ । पल र मलिकालाई प्रेमी प्रेमिकाका रुपमा देख्न सकिन्छ । भिडियोलाई विवेक रसाइलीले निर्देशन गरेका हुन् ।