काठमाडौँ– शिक्षा विज्ञान तथा प्रविधि मन्त्रालयले आगामी असोज १ गते राष्ट्रिय विज्ञान दिवस मनाउने भएको छ ।

सोमबार मन्त्रालयमा एक कार्यक्रम गर्दै शिक्षा तथा प्रविधि सचिव सुरेश आचर्यले आजदेखि विज्ञान दिवशका कार्यक्रम शुरु भएको जनाएका हुन् ।

भदौ २८ गतेदेखि असोज ३ गतेसम्म विभिन्न कार्यकम गरेर विज्ञान दिवस मनाइने उनको भनाइ छ  । मन्त्रालयले यस वर्षको विज्ञान दिवस ‘विज्ञान र प्रविधिको उन्नत विकास, महामारीबाट सहज निकास’ भन्ने मूल नाराका साथ मनाउन लागिएको हो ।

छोटो समयमा पनि नेपालकाे विज्ञान क्षेत्रले ठूलो फेडको मरेको सचिव आचर्यले बताए

विज्ञान र प्रविधिको उपयोगको विस्तारबारे जनचेतना फैलाउने, वैज्ञानिक खोज तथा अनुसन्धानमा संलग्न नव प्रतिभाहरुलाई प्रोत्साहित गर्ने विज्ञान दिवसको मुख्य उद्देश्य रहेको उनले बताए ।