काठमाडौँ– कोरना भाइरसको रोकथाम तथा नियन्त्रणका लागि सावित्री कंचनजंगा अगरबत्तीले मास्क वितरण गरेको छ ।

काठमाडौँका  बढी भीडभाड हुने क्षेत्र, तरकारी बजार, फलफ”ल बजार र फुटपाथमा निःशुल्क मास्क वितरण गरेको हो ।

कोरोना भाइरसको संक्रमण हालसम्म पनि फैलिरहेको कारणले हरेक जनमानसले मास्कको प्रयोग गर्नु आजको आवश्यकता रहेको भन्दै मास्क नलगाई हिडिँरहेका व्यक्तिहरुलाई रोकेर मास्क वितरण गर्नुको साथै सम्झाई बुझाई गरिएको थियो।

“मास्क लगाऔं, सचेत नागरिकको परिचय दिऔं भन्ने सन्देश दिन माक्स वितरण गरिएको हो”, सावित्री कंचनजंगा अगरबत्तीको बजार प्रबन्धक पुष्कर केसीले भने ।

कोरना भाइरसबारे सचेतना जगाउँदै पहिलो दिन आज एक हजार मास्क वितरण गरिएको उनले जनाए । आगामी दिनहरुमा पनि भिडभाड हुने ठाउँहरुमा निःशुल्क मास्क वितरण गर्ने योजना रहेको कम्पनीले जनाएको छ ।