काठमाडौँ– विगत लामो समयदेखि ३४ बुँदे माग राख्दै आन्दोलनमा रहेको नेपाल शिक्षक महामसंघको धर्ना कार्यक्रममा प्रहरीले हस्तक्षेपत गरेको छ ।

आफ्ना पुरा गराउन प्रधानमन्त्री कार्यालय बालुवाटारमा धर्ना दिन जाने क्रममा प्रहरीले ४० जना शिक्षकहरुलाई प्रक्राउ गरेको महासंघका महासचिव लक्ष्मीकिशोर सुवेदीले बताए ।

उनले भने, ‘हामी ४० जना शिकहरुलाई प्रहरीले पक्राउ गरेर महानगरीय प्रहरी वृत्त कमलपोखरीमा ल्याएको छ ।’

आफ्ना मागहरु पुरा गराउन दबाव दिने उद्देश्यका साथ प्रधानमन्त्री निवास दिन जाने क्रममबा बाटोबाट नै प्रहरीले हस्तक्षेप गरेका महासचिव सुवेदीले बताए । उनले भने, ‘हामी हाम्रो कार्यक्रम शान्तिपुर्ण वातावरणमा गर्न जाँदै थियौँ । प्रहरीलेबीच बाटोबाट नै प्रक्राउ गर्‍यो ।’

अघिल्लो साता महासंघले शिक्षा तथा मानवस्रोत विकास केन्द्रमा धर्ना कार्यक्रम गरेको थियो ।