काठमाडौँ– नयाँ सिजन २०२१/२२ को इंग्लिस प्रिमियर लिग आजदेखि शुरु हुँदैछ ।
पहिलो दिन आज एक मात्र खेल हुनेछ । शनिबार भने सात खेल हुनेछन् । आज राति पौने १ बजे आर्सनल र बेन्टफोर्डले खेलेपछि नयाँ सिजनको प्रिमियर लिग शुरु हुनेछ ।
लिगको पहिलो खेल बेन्टफार्डको मैदानमा हुनेछ । यस खेलमा दुबै टोली सुखद् सुरुवात गर्ने दाउमा हुनेछन् ।
आर्सनल अघिल्लो सिजन आठौं स्थानमा सीमित बनेको थियो । उसले ३८ मध्ये १८ खेलमा जीत निकालेको थियो ।
प्रिमियर लिगको उपाधि भने म्यानचेस्टर सिटीले जितेको थियो । यता, बेन्टफोर्ड भने नवप्रवेशी क्लब हो ।
उसले आफ्नो मैदानमा आर्सनललाई हराउँदै सुखद सुरुवात गर्ने योजना बनाएको छ ।
प्रतिक्रिया