काठमाडौँ– नेपाली कांग्रेसका प्रवक्ता विश्वप्रकाश शर्माले राष्ट्रपतिले प्रधानमन्त्री नियुक्त गरेको पत्र मात्र नभई प्रवृत्ति पनि सच्याउनुपर्ने बताएका छन् ।

राष्ट्रपति कार्यालयले संविधानको धारा उल्लेख नगरी ‘श्री सर्वोच्च अदालत, संवैधानिक इजलासको मिति २०७८/३/२८ को फैसला बमोजिम’ देउवालाई प्रधानमन्त्री नियुक्त गरेको भन्ने विज्ञप्ति जारी गरेपछि प्रवक्ता शर्माले सामाजिक सञ्जालमार्फत यस्तो बताएका हुन् ।

उनले  ट्वीट गर्दै लेखेका छन्, ‘अब थोरै सच्चिएरै सहकार्य गरौं सम्माननिय रास्ट्रपतिज्यू । पत्र सच्चिनेको कुरा मात्रै होइन प्रवृत्ति सच्चिने प्रधान कुरा हो ।’

उनले सर्वाेच्चको फैसला सरकार बदल्न मात्र नभई संरक्षकलाई बदलिनसमेत आदेश दिएको उल्लेख गरेका छन् ।

‘सर्वोच्च फैसलाले सरकार बदल्न मात्र होइन, यहाँ संरक्षकलाई बदलिनसमेत आदेश दिएको बिषयलाई विनम्रसँग आत्मसात गरौं’ उनले लेखेका छन् ।

अब थोरै सच्चिएरै सहकार्य गरौं सम्माननिय रास्ट्रपतिज्यु l पत्र सच्चिने´को कुरा मात्रै होइन प्रवृत्ति सच्चिने प्रधान कुरा हो !

सर्वोच्च फैसलाले `सरकार बदल्न´ मात्र होइन,
यहाँ `संरक्षकलाई बदलिन´ समेत आदेश दिएको बिषयलाई विनम्रसँग आत्मसात गरौं l जय नेपाल l pic.twitter.com/izpI8lFrVN

— Bishwa Prakash शर्मा (@bishwaprakash77) July 13, 2021