नयाँ दिल्ली- भारत र चीनबीच पूर्वी लद्दाखमा जारी सीमा विवाद टुंगो लगाउन फेरि सैन्य वार्ता अघि बढ्ने भएको छ ।
सीमा विवाद समाधानका लागि वार्ता अघि बढाउन दुबै पक्ष सहमत भएका हुन् । सीमा मामिला सम्बन्धी परामर्श र समन्वय (डब्ल्यूएमसीसी) को वर्किङ मेकानिजम्को भर्चुअल बैठकमा दुबै पक्षले विवाद समाधानका लागि वार्तालाई जारी राख्ने सहमति भएको हो ।
भारतको विदेश मन्त्रालयका अनुसार दुबै पक्ष सैन्य वार्तामाफर्त नै समस्या समाधानका लागि तयार भएपछि सीमा देखिएको तनाव रोकिएको अनुमान गरिएको छ ।
बैठकपछि भारतीय विदेश मन्त्रालयले एक विज्ञप्ति जारी गर्दै पूर्वी लद्दाखको वास्तविक नियन्त्रण रेखामा बाँकी रहेका मुद्दाहरूको छिटो समाधान खोज्नुपर्नेमा दुवै पक्ष सहमत भएको उल्लेख गरिएको छ ।
यो वार्ता फेब्रुअरीमा पाङ योङ तालको उत्तर र दक्षिण किनारबाट दुबै पक्षले सेना फिर्ता लिएपछि दुबै पक्षबीच नयाँ चरणको वार्ता सुरुवात हुन लागेको जनाइएको छ । यसअघि विभिन्न चरणमा भएका वार्तापछि दुबै पक्षले सीमा क्षेत्रबाट सेना फिर्ता गरेका थिए ।
“दुबै पक्षले सेप्टेम्बर २०२० मा दुई परराष्ट्रमन्त्रीहरू बीच भएको सम्झौतालाई ध्यानमा राख्दै पूर्वी लद्दाखमा वास्तविक नियन्त्रण रेखाको बाँकी रहेका मुद्दाहरूको छिटो समाधान खोज्नुपर्नेमा दुवै पक्ष सहमत भए,” विज्ञप्तिमा भनिएको छ ।
प्रतिक्रिया