जनकपुरधाम– प्रदेश २ को नीति तथा कार्यक्रम बहुमतले पारित भएको छ । आइतबार साँझ मुख्यमन्त्री लालबाबु राउतले ०७८/०८९ को नीति तथा पास गर्न पेश गरेको प्रस्ताव सांदहरुले बहुमतले पारित गरेका हुन् ।

संशोधनकर्ता सांसदहरुको छलफलपछि मुख्यमन्त्री लालबाबु राउतले जवाफ दिएपछि सांसदहरुले संशोधन प्रस्ताव फिर्ता लिएका थिए ।

चारजना सांसदले संशोधन प्रस्ताव दार्ता गराएका थिए । सोमबारको बैठकमा प्रिबजेटमा छलफल भएर असार १ गते सरकारले बजेट भाषण गर्ने तयारी गरेको छ ।

संशाधनकर्ता सांसदको माग सम्बोधन गर्ने प्रतिवद्धता

मुख्यमन्त्री लालबाबु राउतले संशोधनकर्ता सांसदहरुको जिज्ञसाको जवाफ दिँदै माग सम्बोधन गर्ने प्रतिवद्धता जनाएका छन् ।

आइतबार साझसम्म भइरहेको नीति तथा कार्यक्रममाथिको छलफलमा सांसदको जवाफ दिँदै मुख्यमन्त्री लालबाबु राउतले माग सम्बोधन गर्ने प्रतिवद्धता जनाएका हुन् ।

नीति तथा कार्यक्रममा यसपटक कमजोरी भएको उनले स्वीकार गरे । जनताको आवश्यकता अनुसारको विभिन्न योजना ल्याउन सरकार चुकेको भन्दै कोरोना महामारी र राजनीतिक खिचातानीका कारण उत्तम नीति तथा कार्यक्रम ल्याउन नसकेको उनले बताए ।

‘साच्चिकै राम्ररी हामीले नीति तथा कार्यक्रममा फोकस गर्न सकेका छौनौं,’उनले भने,‘यद्यपि सांसदहरुको संशोधनलाई आत्मसात गरेर पनि अझ सशक्त र राम्रो योजना समेटन सकिन्छ ।’

कार्यालय र कर्मचारी अभावमा बजेट खर्च र योजना कार्यन्व्यन पक्ष कमजोर देखिएको उनले बताए । उच्च पदको कर्मचारीको सरुवा हुँदा पनि थप कार्यन्व्यन पक्षमा समस्या हुने गरेको उनले बताए ।

नीति तथा कार्यक्रममा पुरानो योजनालाई निरन्तरता दिएको स्वीकार गरे । सांसदको धारणा अनुसार राम्रो भए पनि अझ राम्रो बनाउने उनले आश्वासन दिए ।

नीति तथा कार्यक्रममा सबै दलितलाई मुख्यमन्त्री गरिव, दलित अवास योजनामार्फत लाभ हुने उनले बताए । महेन्द्र नारायण नीधिको नाममा प्रत्येक वर्ष दश वटा घर बनाउने योजना संशोधन गरेर राख्ने प्रतिवद्धता जनाए ।

धेरै ठाउँमा मधेश शब्द आएको विषय बारे बोल्दै मधेशले नै संघीयता र अधिकार स्थापित भएको हुँदा त्यो शब्द सम्बन्धित धेरै योजना राखिएको उनले बताए ।

स्वास्थ्य क्षेत्रमा व्यवस्थित बनाउन सरकारले चिकित्सकको मासिक पारिश्रमिक एक लाख ५० हजार ल्याउने प्रावधान ल्याउने तयारी गरिरहेको बताए ।

संशोधनकर्ता सांसदको माग आत्मसात गर्दै बजेट ल्याइने उनले आश्वासन दिए । जनता अवासमा सरकारको कमजोरी भएकोे भन्दै अगामी दिनमा त्यस प्रकारको कमजोरी नहुने समेत उनले प्रतिवद्धता जनाएका थिए ।