काठमाडौँ- पेरिस सेन्ट जर्मेन (पीएसजी) फ्रेन्च कप फुटबलको फाइनलमा पुगेको छ ।

बुधबार राति भएको सेमिफाइनलमा मोन्टपेलियरलाई पेनाल्टी सुटआउटमा ६-५ गोलले पराजित गर्दै पीएसजी फाइनल पुगेको हो ।

निर्धारित र अतिरिक्त समय २-२ गोलको बराबरीमा सकिएपछि खेल पेनाल्टी सुटआउटमा पुगेको थियो ।

पेनाल्टीमा पीएसजीका एन्जल डी मारिया, नेयमार,जुलियन, लिन्ड्रो डानिल, मार्क्विन्होस,र मोइस किनले गोल गरे ।

मोन्टपेलियरका तेजी,एन्डी डोलेर्ट,स्टेफी,मिहाइलो,लाबोर्डेले गोल गर्दा जुनियर साम्बिया गोल गर्न चुकेका थिए ।

पेनाल्टीअघि पीएसजीका लागि खेलको १०औं र ५०औँ मिनेटमा केलियन एमबाप्पेले पीएसजीका लागि गोल गरेका थिए ।

मोन्टपेलियरका लागि  ४५औं मिनेटमा लाबोर्डे र ८३औं मिनेटमा एन्डीले गोल गरेका थिए ।

पीएसजीले फाइनलमा मोनाको र भालियर्सबीचको विजेतासँग खेल्नेछ । फाइनल मे १९ मा हुनेछ ।