काठमाडौं– आगामी जेठ २२ गते पोखरामा ‘हेरिटेज अफ फेसन नेपाल सिजन २’ हुने भएको छ । दुबई, युरोप र अष्ट्रेलियामा समेत आयोजना हुने फेसन शोलाई सभ्य र भव्य बनाउने आयोजक संस्था असाप इन्टरटेनमेन्टका सन्तोष अधिकारीले बताए ।

अधिकारी अष्ट्रेलियाको सम्पुर्ण तयारी सकेर नेपाल फर्किसकेका छन् । उनले नेपालमा पनि दोस्रो लहरको कोरोना जोखिम बढेकाले थोरै जनशक्तिको सहभागितामा उत्कृष्ट कार्यक्रम गरिने दाबी गरे ।

यसअघि मार्च १५ मा यो कार्यक्रम गरिने भनिएपनि कोरोनाका कारण सारिएको थियो । कार्यक्रमका लागि केहीदिन अघि काठमाडौंमा आयोजित मिट एण्ड ग्रीटमा अभिनेता प्रशान्त ताम्राकार, अपर्ण थापा, सन्दीप क्षेत्री, अभिनेत्री बेनिशा हमाल, निर्देशक दीपेन्द्र के खनाल, देवकुमार श्रेष्ठलगायतको उपस्थिति थियो ।

अधिकारी फिल्म ‘आमा’ र ‘घर’का सह–निर्माता हुन् । उनी निर्माता भएको नयाँ फिल्म ‘तीन जन्तु’ प्रदर्शनको तयारीमा छ ।