पर्सा– वीरगञ्ज महानगरपालिका–१६ शंकराचार्य गेट क्षेत्रबाट स्रोत नखुलेको साढे १९ लाख बढी नेपाली रुपैयाँसहित एक जना पक्राउ परेका छन् ।

सशस्त्र प्रहरीको टोलीले भारतको पूर्वी चम्पारण जिल्ला रक्सौल नगरपालिका–२१ घर बताउने ३६ बर्षीय राजेशकुमार साहलाई शनिबार स्रोत नखुलेको १९ लाख ५१ हजार १ सय २० नेपाली रुपैयाँसहित पक्राउ गरेको हो ।

उनलाई सशस्त्र प्रहरी बल, नेपाल बोर्डर आउट पोष्ट वीरगञ्जबाट खटिएको टोलीले पक्राउ गरेको सशस्त्र प्रहरी नायव उपरीक्षक सुरेश गैरेले जानकारी दिए ।

भारतबाट नेपालतर्फ आउँदै गरेका साहलाई एपीएफ टोलीले शंका लागि जाँच गर्दा शरीरमा बाँधेर लुकाई छिपाई ल्याउँदै गरेको रकम फेला परेपछि पक्राउ गरेको गैरेले बताए ।