काठमाडौँ– नेपालमा शनिबार थप ६० जनामा कोरोना पुष्टि भएको छ । यो सँगै नेपालमा कोरोना संक्रमित हुनेको संख्या दुई लाख ७५ हजार १७८ पुगेको छ ।
त्यस्तै थप दुई जनाको कोरोनाका कारण मृत्यु भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार हालसम्म नेपालमा तीन हजार १४ जनाले कोरोनाका कारण ज्यान गुमाएका छन् ।
त्यस्तै थप ७२ जना कोरोनामुक्त हुँदा नेपालमा दुई लाख ७१ हजार २४९ जना संक्रमित निको भएका छन् ।
हाल ९१५ जना आइशोलेशनमा र ४९ जना क्वारेन्टिनमा छन् । हालसम्म नेपालमा २२ लाख १२ हजार ७९६ वटा पीसीआर गरिएको मन्त्रालयले जनाएको छ ।
प्रतिक्रिया