काठमाडौँ – विश्वकपको युरोपेली छनोट अन्तर्गत गए राति भएका दुई खेलमा क्रोएसिया र रसियाले शानदार जित निकालेका छन् ।

समूह एचको खेलमा क्रोएसियाले माल्टालाई ७–१ गोल र अर्को खेलमा रसियाले साइप्रसलाई ६–० ले अन्तरले हराएको हो ।

यी दुवै टिम विश्वकपमा सोझै छनोट हुने टुङ्गो आईतबार लाग्नेछ । क्रोएसियाले अब आईतबार समूह एचको फाइनल खेलमा रसियालाई घरेलु मैदानमा आमन्त्रण गर्नेछ ।

यससँगै दुई अंकको अग्रता लिएको रसियाका लागि आगामी खेलमा बराबरीको नतिजाले मात्र पनि विश्वकपमा छनोट गराउनेछ । समूह एचमा रसिया २२ अंक सहित शीर्ष स्थानमा छ ।

क्रोएसियाले भने तेस्रो स्थानको स्लोभाकियासँग ९ अंकको अग्रता लिएको छ । सोही समूहको अर्को खेलमा स्लोभाकिया र स्लोवेनियाले २–२ गोलको बराबरी खेल्दै अंक बाँडेका छन् ।

क्रोएसिया २० अंक सहित दोस्रो स्थानमा छ ।