मुम्बई(बलिउड लाइफ)– सामाजिक सञ्जाल इन्स्टाग्रामको माध्यमबाट आज बलिउडका तमाम सुन्दर अभिनेत्रीहरु चर्चामा आइरहन्छन् । यीमध्ये केही सुन्दर अभिनेत्रीहरु यस्ता पनि छन्, जसलाई बलिउडले कुनै काम दिएको छैन । अर्थात् उनीहरु केवल इन्स्टाग्राममा मात्र रमाइरहेका छन् ।

एकाध फिल्ममा अभिनय गरेपछि अभिनेत्री आयशा शर्मा मूलधारबाट टाढिइन् । यी अभिनेत्री हाल इन्स्टाग्राममा समय व्यतित गरिरहेकी छन् ।

अभिनेत्री मिनिषा लाम्बा इन्स्टाग्राममा आफ्नो बोल्ट फोटोसुटका तस्विर राखेर चर्चामा आउछिन् । मिनिषा पनि लामो समयदेखि मूलधारबाट टाढा छिन् ।

अभिनेत्री नेहा शर्माको हातमा केही ओटीटी प्रोजेक्ट छन् । तर उनको हातमा कुनै फिल्म छैनन् । उनी पनि इन्स्टाका माध्यमबाट चर्चामा आइरहन्छिन् ।

अभिनेत्री तथा मोडल पुनम पाण्डे पनि इन्स्टाग्राममै सीमित छिन् । हालका दिनमा उनलाई फिल्ममा अभिनय गराउन निर्माता डराउने गर्दछन् । किनकी उनी चर्चामा आउनका लागि जे काम पनि गर्न तयार हुन्छिन् ।

अभिनेत्री शर्लिन चोपडा अहिले बेरोजगार छिन् । तर उनी यही बेला इन्स्टाग्रामबाट भरपुर फाइदा उठाइरहेकी छन् ।

सोफिया हयातको अवस्था पनि उस्तै छ । यो समयमा उनको हातमा कुनै फिल्म छैन । उनी इन्स्टाग्रामको दुनियाँमा नै रमाइरहेकी छन् ।

एक समय थियो, जब अभिनेत्री सनी लियोनीको हातमा कैयौं फिल्म पर्थे । तर हालका दिनमा उनी रियालिटी शोमा सीमित छिन् । उनी इन्स्टाग्राममा प्रायः आफ्नो फोटोसुटका तस्वीर शेयर गरिरहन्छिन् ।

अभिनेता अजय देवगनकी साली तनीषा मुखर्जीको इन्स्टाग्राम मोह उस्तै छ । सामाजिक सञ्जालमा उनी दिनानुदिन नयाँ तस्वीर शेयर गरिरहन्छिन् ।

अभिनेत्री इशा गुप्ता सामाजिक सञ्जालमा आफ्नो बोल्ट फोटो शेयर गरिरहन्छिन् । उनको तस्वीर भाइरल हुन धेरै समय नै लाग्दैन ।