काठमाडौं–निर्देशक शोभित बस्नेत निर्देशित फिल्म ‘डाँडाको वरपीपल’ आज फूलपातीबाट देशव्यापी रिलिज भएको छ । बुढासुब्बा ओरिजिनलको प्रस्तुति रहेको फिल्ममा नवराज गिरीको लगानी रहेको छ ।

फिल्मलाई उपत्यकामा वितरक गोपालकाजी कायस्थको बीके फिल्मस् र उपत्यका बाहिर एफडी कम्पनीले वितरण गरेका छन् । वितरकका अनुसार देशका ५६ वटा पर्दामा फिल्म रिलिज हुँदैछ । फिल्मले सोमबार राजधानीमा प्रिमियर गरेको थियो । प्रिमियरबाट सकारात्मक प्रतिक्रिया पाएको छ ।

फिल्ममा भुवन केसी, शिव श्रेष्ठ, गौरी मल्ल, सलोन बस्नेत, रुबिना थापा, अस्मिता जुरेली, हिउँवाला गौतम, उत्तम केसी, संगम भण्डारी, सुशान्तकुमार श्रेष्ठ, प्रभात पल, अस्मी थापा, प्रदीप गिरी, ज्ञानकुमार कट्टेललगायतका कलाकारको अभिनय छ ।

फिल्ममा रामकाजी घिमिरेको लेखन, सुशान्त प्रजापतिको छायांकन, रोशन श्रेष्ठको द्वन्द्व, रामजी लामिछानेको कोरियोग्राफी र मित्रदेव गुरुङको सम्पादन छ । फिल्म तिहारमा ओटीटी प्लेटफर्ममा रिलिज हुनेछ ।