काठमाडौँ– सर्वोच्च अदालतले एमाले सांसद सोमप्रसाद पाण्डे र शारदा भट्टलाई कारबाही प्रक्रिया अघि नबढाउन अल्पकालीन अन्तरिम आदेश दिएको छ ।

एमालेबाट नेकपा (एकीकृत समाजवादी) मा आफूहरूको नाम अध्यावधिक गर्न माग गर्दै सर्वोच्च अदालत पुगेका पाण्डे र भट्टको हकमा तत्काल कुनै कारबाही प्रक्रिया अगाडि नबढाउन सर्वोच्च अदालतले आइतबार अल्पकालीन अन्तरिम आदेश जारी गरेको हो।

न्यायाधीश मीरा खड्काको इजरालले अन्तरिम आदेशका लागि मंगलबार दुबै पक्षलाई छलफलका लागि बोलाएको छ । त्यतिबेलासम्म कारबाही प्रक्रिया अगाडि नबढाउन भन्दै अल्पकालीन अन्तरिम आदेश दिएको हो ।

एमाले विभाजन गरी एकीकृत समाजवादी गठन गर्दा निर्वाचन आयोगले सनाखतमा समावेश नगराएको भन्दै आयोगको निर्णयविरुद्ध पाण्डे र भट्ट सर्वोच्च अदालत पुगेका थिए।

सर्वोच्चले सोम पाण्डे र शारदा भट्टलाई किन सनााखत नगारएको १५ दिन भित्र जवाफ दिन निर्वाचन आयोगको नाममा कारण देखाऊ आदेश दिएको छ ।