मुम्बई(नवभारत टाइम्स)– पछिल्लो समयमा बलिउडका कलाकारहरु दक्षिण भारतीय फिल्ममा ‘डेब्यू’ गर्ने ट्रेण्ड बढ्दो छ । यो सूचीमा अब अभिनेत्री सोनाक्षी सिन्हा पनि जोडिएकी छन् ।

यदी सबै कुरा मिल्यो भने सोनाक्षी दक्षिण भारतीय सुपरस्टार चिरञ्जीवीको फिल्ममा अभिनय गर्दैछिन् । फिल्ममा उनी चिरञ्जीवीको अपोजिटमा हुनेछिन् । हालका दिनमा चिरञ्जीवी आफ्नो फिल्म ‘आचार्य’का कारण चर्चामा छन् ।

केएल रविन्द्रको नयाँ फिल्मका लागि चिरञ्जीवी र सोनाक्षीलाई कास्ट गराउने विषयमा चर्चा चलिरहेको छ । फिल्मका लागि सोनाक्षीले साढे ३ करोड रुपैंयाँ पारिश्रमिक माग गरेकी छन् ।

उनको पारिश्रमिकलाई निर्माताले पुरा गर्ने हुन् या होइनन् भन्ने हेर्न बाँकी छन् । यद्यपि चिरञ्जीवीको अपोजिटमा सोनाक्षी नै उपयुक्र्त पात्र हुनसक्नेमा निर्माता ढुक्क छन् ।