काठमाडौँ– स्वास्थ्य तथा जनसंख्या मन्त्रालयले अमेरिका तथा चीनबाट कोरोना भाइरस विरुद्धको खोप आएसँगै भोलिदेखि फेरि मुलकभर खोप अभियान सञ्चालन गर्ने भएको छ ।

मन्त्रालयले सूचना जारी गर्दै लक्षित समूह छुट्याएर खोप अभियान सञ्चालन गर्न लागेको जानकारी दिएको हो । आज बसेको मन्त्रीस्तरको बैठकले थप खोप कार्यक्रम भोलिबाट नै सुरू गर्ने निर्णय गरेको हो।

मन्त्रालयले ५५ वर्ष र सो माथिका उमेर समुह तथा पहिलो डोज लगाएकालाई खोप लगाइने जानकारी दिएको हो ।

त्यसैगरी, विश्वविद्यालय, विद्यालयका प्राध्यापक, शिक्षक र कर्मचारी, यातायतमा कार्यरत, चालक र सहचालक, नेपाल सरकारले तोकेका अत्यावश्यक सेवामा संलग्न खोप लगाउन बाँकी सबै व्यक्ति र खोप अनिवार्य गरेका देशमा जाने नेपाली नागरिकहरूलाई प्राथमिकतामा राखिएको छ ।

यसैगरी ५० वर्षदेखि ५४ वर्ष उमेर समूहका कोभिडविरुद्ध पहिलो मात्रा खोप लगाउन बाँकी सबै नागरिकहरुले अमेरिकाले उपलब्ध गराएको जोनसेन एण्ड जोनसेन खोप लगाउन पाउने मन्त्रालयले जनाएको छ ।

मन्त्रालयले जारी गरेको विज्ञप्तिअनुसार सो खोप पूर्ण र अति अशक्त अपाङ्गता भएका (वर्ग क र ख), हाल नेपालमा बसोवास गरेका शरणार्थी, (यसअघिको अभियानमा खोप लगाउन छुटेका) स्वास्थ्य संस्थामा कार्यरत स्वास्थ्यकर्मी र सरसफाइकर्मीहरुलाई प्रदान गरिने छ ।

यस्तो छ सूचना