काठमाडौँ– नेपाली कांग्रेसका नेता गगन थापाले संसद पुनर्स्थापना गर्ने सर्वोच्चको फैसलाले संविधानको रक्षा गरेको दाबी गरेका छन् ।
फेसबुकमा स्टाटस लेख्दै नेता थापाले भनेका छन्, ‘प्रतिनिधिसभा विघटन असंवैधानिक थियो, सर्वोच्च अदालतले व्याख्या गर्दै संविधानको रक्षा गरेको छ । अदालतको आदेश मन परेन भने असहमत हुन पाइन्छ तर अस्वीकार गरिँदैन ।’
अदालतको फैसलापछि कसैले पनि उत्तेजना र दम्भ नदेखाउन आग्रह गर्दै उनले भनेका छन्, ‘उत्तेजना, दम्भ र अहंकार बोकेर फैसला कार्यान्वयनमा बाधा पुर्याउने मूर्खता कतैबाट नहोस् भन्ने आशा गरौँ । नत्र भीरबाट खस्नेलाई रामराम ।’
प्रतिक्रिया