काठमाडौँ– नेपाली कांग्रेसले सर्वोच्च अदालतको फैसलाको स्वागत गरेको छ ।
कांग्रेस प्रवक्ता विश्वप्रकाश शर्माले सर्वोच्च अदालतको फैसला विवेकपूर्ण रहेको भन्दै कांग्रेसले फैसलाको स्वागत गर्ने बताए । उनले भने, ‘राष्ट्रपति, प्रधानमन्त्रीको आवेगपूर्ण कदमलाई विवेकपूर्ण तरिकाले सच्याएको छ ।’
प्रवक्ता शर्माले कांग्रेस नेतृत्वको सरकार गठनको बाटो खोलेको अवस्थामा अब सरकार निर्माण हुने भन्दै भने, ‘सरकार निर्माण हैन इतिहास निर्माणको अवसर कांग्रेसले पाएको छ ।’
प्रवक्ता शर्माले कांग्रेस पदाधिकारी बैठक बसेर औपचारिक धारणा सार्वजनिक गर्ने समेत बताए । केहीबेरपछि कांग्रेस सभापति शेरबहादुर देउवा निवासमा पदाधिकारी बैठक शुरु हुने उनले जानकारी दिए ।
प्रतिक्रिया