काठमाडौँ– पार्टी एकताको लागि कार्यदलले गरेको सहमति अनुमोदन गर्न नेकपा एमालेको स्थायी कमिटी बैठक आज बस्दैछ ।
कार्यदलमा सहमति जुट्न ढिलाइ भएपछि हिजोका लागि बोलाइएको बैठक आजका लागि सारिएको हो । बैठक आज बेलुकी ५ बजे बस्ने एमाले कार्यालय सचिव शेरबहादुर तामाङले जानकारी दिए ।
लामो समयदेखिको अन्तरविरोध समाधान गर्दै एमाले विवाद समाधान कार्यदलमा सहमति जुटेपछि पार्टी विभाजन हुनबाट जोगिएको छ ।
कार्यदलले आइतबार राति १० बुँदे सहमति सार्वजनिक गरेपछि एमालेभित्र उत्साह छाएको छ ।
कार्यदलले तयार गरेको ‘विद्यमान समस्या समाधानसम्बन्धी प्रस्ताव’ लाई मङ्गलबार बस्ने केन्द्रीय कमिटीको बैठकले समेत अनुमोदन गर्नेछ ।
प्रतिक्रिया