काठमाडौँ– पछिल्लो २४ घण्टामा कोरोना सङ्क्रमित हुनेभन्दा निको हुने सङ्ख्या लगभग दोब्बर भएका छन् । यो अबधिमा तीन हजार ३८४ सङ्क्रमित थपिएका छन् भने छ हजार २९५ ले सङ्क्रमणमुक्त भएका छन् ।
स्वास्थ्य तथा जनसङ्ख्या मन्त्रालयका अनुसार १४ हजार ४९४ नमूना परीक्षण गरिएको थियो । तीमध्ये ८ हजार ५०६ पिसिआर बिधिबाट र पाँच हजार ९८८ एन्टिजेन बिधिबाट परीक्षण गरिएको थियो ।
नेपाली सेनाले विभिन्न मितिमा गरेको शव व्यवस्थापनसहित ६१ जनाको मृत्यु भएको छ । यो विवरणसहित हालसम्म कूल आठ हजार ३६६ जनाको कोरोनाका कारण निधन भएको छ ।
यस्तै, पाँच लाख २७ हजार १११ जना निको भएका छन् । निको हुने दर ८६.९ प्रतिशत रहेको छ ।
प्रतिक्रिया