काठमाडौँ– नेपालमा पछिल्लो २४ घण्टामा ६ हजार २९५ जनाले कोरोना भाइरसलाई जितेका छन् । यससँगै नेपालमा कोरोना संक्रिमत भई निको हुनेको संख्या पाँच लाख २७ हजार १११ पुगेको छ ।

पछिल्ला केही दिन यता देशभर कोरोना संक्रमित हुने भन्दा निको हुनेको दर बढी रहेको छ । स्वास्थ्य तथा जनसंख्या मन्त्रालयका अनुसार निको हुने दर ८६.९ प्रतिशत रहेको छ ।

पछिल्लो २४ घण्टामा देशभर ३ हजार ३८४ जना संक्रमित थपिँदा ६ हजार २९५ जना निको भएका हुन् ।

मन्त्रालयका अनुसार देशभरका विभिन्‍न प्रयोगशालामा गरिएको ८ हजार ५०६ जनाको पीसीआर परीक्षणमा २ हजार ३८२ र ५ हजार ९८८ जनाको एन्टिजेन विधिबाट गरिएको परीक्षणमा १ हजार २ जना गरी कुल ३ हजार ३८४ जना कोरोना संक्रमित थपिएका हुन् ।

पछिल्लो २४ घण्टामा थप ६१ जना कोरोना संक्रमितको मृत्यु भएको छ ।