मुम्बई(नवभारत टाइम्स)– बलिउड निर्माता तथा निर्देशक करण जोहारको पहिलो फिल्म ‘कुछ कुछ होता हे’ ले बक्सअफिसमा बम्पर कमाई गरेको थियो । सन् १९९८ मा रिलिज यो फिल्ममा शाहरुख खान, काजोल र रानी मुखर्जी प्रमुख भूमिकामा थिए ।

सायद कमैलाई मात्र थाहा होला कि यो फिल्ममा करण अभिनेत्री ऐश्वर्या राय बच्चनलाई लिन चाहन्थे । तर ऐश्वर्याले करणको प्रस्तावलाई अस्वीकार गरिन् ।

फिल्ममा ‘टीना’को भूमिका रानीले निभाएकी थिइन् । रानीको यो पहिलो फिल्म थियो । उनको यो भूमिकालाई निकै रुचाइयो । करण ऐश्वर्यालाई यही भूमिकामा अभिनय गराउन चाहन्थे ।

करणले टीनाको भूमिकाका लागि ट्वींकल खन्ना, उर्मिला मातोडकर र तब्बुसम्मलाई अफर गरेका थिए । तर कसैले उनको अफरलाई स्वीकारेनन् ।

करणका अनुसार टीनाको भूमिकाका लागि उनले कैयौं महिनादेखि नयाँ अनुहारको खोजी गरिरहेका थिए । त्यसपछि निर्माता आदित्य चोपडाले करणलाई रानीको नाम प्रस्ताव गरेका थिए ।

ऐश्वर्याले एक अन्तरवार्तामा ‘कुछ कुछ होता हे’ गर्न नचाहने कारण खुलाएकी छन् । ‘मैले यो फिल्ममा काम गरेको भए मानिसहरुले मलाई मजाकको कारण बनाउथे । त्यो किन पनि हो भने टीनाको चरित्र सर्लक्क परेको कपाल, साधारण पहिरन मा क्यामराको अगाडि ग्ल्यामर देखायो भन्ने आरोप लाग्थ्यो’, उनले भनेकी छन् ।

ऐश्वर्याले ‘कुछ कुछ होता हे’ छोडेको १७ वर्ष पछि करणसँग सन् २०१६ मा फिल्म ‘ऐ दिल हे मुश्किल’मा काम गरिन् । फिल्ममा रणवीर कपूर र अनुष्का शर्मा प्रमुख भूमिकामा थिए ।