काठमाडौँ– काठमाडौँकाे ठमेलस्थित एक होटेलबाट प्रहरीले जुवाखेलिरहेका ११ जनालाई पक्राउ गरेको छ ।

सञ्चयकोष भवन नजिक रहेको होटल आर्य तारामा तास खेलिरहेका ११ जनालाई ६ लाख २६ हजार नगद सहित प्रहरीले पक्राउ गरेको हो ।

जुवा तास खेलिरहेको भन्ने विशेष सूचनाको आधारमा प्रहरी वृत्त दरवारमार्गबाट खटिएको प्रहरी निरीक्षक मुकेश ताम्राकार नेतृत्वको टोलीले उनीहरुलाई पक्राउ गरेको हो । जुवाखालबाट प्रहरीले ७ बुक तास समेत बरामद गरेको जानकारी दिएको छ ।

पक्राउ पर्नेमा काभ्रे धुलिखेल न.पा.६ का बर्ष-३६ का अर्जुन लामा, पाँचखाल न.पा.१ घर भएका ३० वर्षीय राज कुमार लामा, बनेपा न.पा.५ का ३५ वर्षीय रण बहादुर तामाङ, पाँचखाल न.पा.११ का ३७ वर्षीय सुर्य लामा, बनेपा न.पा.१४ का ३५ वर्षीय भुवन सिंह तामाङ, माझीफेदा-८ का ३० वर्षीय समिर तामाङ रहेको प्रहरीले जनाएको छ ।

यसैगरी रामेछाप शैलुङ गा.पा.५ का ३० वर्षीय कबिन घिसिङ, दोरम्बा गा.पा.५ का ३२ वर्षीय कर्म लामालाई पनि पक्राउ गरिएको प्रहरीले जानकारी दिएको हो ।

त्यस्तै ओखलढुंगा खिचिकाती गा.पा.९ का ३९ वर्षीय हेम बहादुर खत्री, भक्तपुर सुर्यविनायक न.पा.८ का ३८ वर्षीय श्याम तामाङ र धादिङ ज्वालामुखी गा.पा. घर भएका ४८ को होटल सञ्चालक बासु सिंखडालाई पक्राउ गरिएको महानगरी प्रहरी परिसर काठमाडौँका प्रहरी उपरीक्षक रमेशकुमार बस्नेतले जानकारी दिए ।