काठमाडौं–साहित्यकार रोशन थापा ‘निरव’ को कथासंग्रह ‘कोष्ठकभित्रको हाँसो’ बजारमा आएको छ ।

नेपाल प्रज्ञा प्रतिष्ठानमा आयोजित कार्यक्रममा डा. धुव्रचन्द्र गौतम, समालोचक महेश पौड्याल र अनुपमा रेग्मीले कथासंग्रह विमोचन गरेका हुन् ।

कार्यक्रममा अनुपमा रेग्मीले समग्र कथासंग्रहभित्र समकालीन चेतना र उत्तर आधुनिकतावादी कथाहरू भएको बताइन् ।

समालोचक महेश पौड्यालले कथासंग्रहभित्रबाट केही संवाद वाचन गरेका थिए । उनले कथासंग्रह नाटकजस्ता र उपन्यासजस्ता रहेको उल्लेख गरे ।

डा. धुव्रचन्द्र गौतमले रोशन थापा ‘निरव’ पछिल्लो समयको प्रयोगवादी लेखकमा आफ्नो दर्जा बनाइसकेको बताए ।

सात खण्डमा पाँचका दरले रहेका यस कथासंग्रहभित्र जम्मा पैँतीसवटा कथा रहेका छन् ।

शिखा बुक्सले बजारमा ल्याएको यस संग्रहको मूल्य ४ सय ७५ रहेको छ ।