राजा शतायूध जनताको सुख–दुःख जान्ने उद्देश्यले भ्रमण गर्न निक्ले । घुम्दै गर्दा उनले एउटा झुपडीमा जर्जर वृद्ध देखे ।
राजाले रोकिएर उनले कौतूहलपूर्वक सोधे– ‘तपाईंको आयु कति भयो ?’
लगभग सय वर्ष देखिने वृद्धले झुकेको गर्दन उठाए र भने– ‘पाँच वर्ष ।’
राजालाई विश्वास भएन । उनले फेरि सोधे – वृद्धले त्यही उत्तर दोहोर्याए ।
अन्त्यमा वृद्धले भने– ‘बितेको ९५ वर्ष पशुवत जीवन बाँच्नमा बित्यो । पाँच वर्ष भयो ज्ञानचक्षु खुलेको । त्यस बेलादेखि सांसारिक सुख त्यागेर परमार्थ, परोपकार एवम् मानवताको सेवा गरिरहेको छु । त्यसैले म आफ्नो आयु पाँच वर्ष मान्छु ।’
–‘विश्वका उत्कृष्ट प्रेरक प्रसङ्गहरु’ पुस्तकबाट
प्रतिक्रिया