मुम्बई– बलिउडका दिवंगत अभिनेता इरफान खानका छोरा बाबिलले फिल्ममा आउने संकेत गरेका छन् । आफ्नो पिताको बारेमा पोस्ट गर्दै उनले चाँडै नै बलिउडमा ‘डेब्यू’ योजनाको जनाउ दिएका छन् ।

एबीपी लाइभमा प्रकाशित समाचारअनुसार उनले इन्स्टाग्राममार्फत बलिउडमा पाइला चाल्ने योजनाबारे जानकारी दिएका हुन् ।

‘मलाई थाहा छ कि यो एक मिनेट भएको छ । जब मेरो अन्धविश्वास मलाई अनुमति दिन्छ, त्यो बेला म कोसँग व्यस्त हुन्छु भन्ने कुरा प्रकट गर्नेछु’, उनले लेखेका छन् ।

उनले ८ वर्षको सुरुवातमा बिना कुनै औपचारिक प्रशिक्षण भारतीय फिल्ममा आफ्नो यात्रा गर्न लाग्दा भयभीत रहेको उल्लेख गरेका छन् । ‘त्यहीकारण म प्रायः एनएसडी र पहिलाका फिल्मबाट बाबाको चरित्रलाई हेरेर आफ्नो चिन्तालाई शान्त पार्दछु । यहाँ उहाँको प्रशंसकका लागि केही छन्’, उनले अगाडि लेखेका छन् ।

इरफानको गत वर्षको अप्रिलमा न्यूरोएण्डोक्राइन ट्यूमरबाट निधन भएको थियो । उनी पछिल्लोपटक फिल्म ‘अंग्रेजी मिडियम’मा देखिएका थिए ।