काठमाडौँ– पूर्वमन्त्री एवम् नेकपा एमालेका नेता गोकुल बाँस्कोटाले वरिष्ठ नेता माधवकुमार नेपाल पक्षलाई ‘बाह्रै महिना बर्बराएको’ टिप्पणी गरेका छन् ।

उनले मुद्दा हारेको झगडियाले २४ घण्टा बर्बराउनु ठीकै भए पनि बाह्रै महिना बाह्रैकाल बर्बराउनु घामडपन भएको भन्दै नेपाल समूहप्रति व्यङ्ग्य गरेका हुन् ।

उनले शुक्रवार सामाजिक सञ्जाल ट्वीटरमा ट्वीट गर्दै माधव नेपाल समूहलाई गल्तीको आत्मालोचना गर्नुको साटो एउटा गुट समाप्त हुनासाथ फेरि गुटगत मोर्चाबन्दी गर्दै हिँडेको आरोप लगाएका छन् ।

साथै उनले माधव नेपाल पक्षमा २२ प्रतिशत पनि मत नपुग्ने दाबीसमेत गरेका छन् ।

मुद्दा हारेकाे झगडियाले २४ घण्टा बर्बराउनु ठिकै हाे तर वाहृ महिना वाहृैकाल बर्बराउनु चै घामटपन। एउटा गुट समाप्त हुनासाथ फेरि गुटगत माेर्चाबन्दी गर्नु साेहृै आना गलत।हिजाेकाे गल्तीकाे आत्मालाेचना त कताहोकता उल्टै गुटकाे भेलाबाट संस्थापनलाई धम्की ?४०% हाेईन २२%पनि पुग्दैन।वाहियात!

— Gokul Prasad Baskota (@GokulPBaskota) March 12, 2021