काठमाडौँ– शताब्दी पुरुष सत्यमोहन जोशी र उनकी पत्नी राधादेवी जोशीले मरणोपरान्त आफ्नो शरीरको अंग दान गर्ने घोषणा गरेका छन् ।

चिकित्सा विज्ञान प्रयोगात्मक ज्ञानका लागि जोशी दम्पतीले मृत्युपछि शरीर दान दिने घोषणा गरेका हुन् ।

उनीहरुले शुक्रबार दिउँसो ललितपुर महानगरपालिकाको प्राङ्गणमा एक कार्यक्रम गर्दै मृत्युपछि शरीर दान दिने घोषणा गरेका हुन् ।

सत्यमोहन १०१ वर्ष पार गरेका छन् भने राधादेवी ९७ वर्षमा प्रवेश गरेकी छन् ।

उनीहरुले मृत्युपछि आफूहरुको शरीर किस्ट अस्पतालद्वारा सञ्चालित मेडिकल कलेजलाई दान गर्ने निर्णय गरेका हुन् । अहिले किस्ट अस्पतालले जोशी दम्पतीको निःशुल्क हेरचाह गरिरहेको छ ।

सय वर्ष उमेर नाघेर बाँचेको मानिसको शरीरको अवस्था कस्तो हुने रहेछ भन्ने जानकारीका लागि पनि आफूले यो निर्णय गरेको जोशीले बताएका छन् ।