काठमाडौँ– कपनस्थित एकताबस्तीको ‘कान्तिपुर फूटसल’मा एकदिने ‘अन्नपुर्ण ओपन फूटसल टुर्नामेन्ट’ हुने भएको छ । सिटी हेल्थ स्टुडियो, धुमबराहीको आयोजनामा यही फागुन १ गते हुन गइरहेको यो टुर्नामेन्टमा काठमाडौँ उपत्यकाका २० टोलीको सहभागिता रहनेछ ।

‘शहरिया व्यस्त जीवनशैली तथा विश्व स्वास्थ्य चुनौतीको यस परिस्थिति सहज भएको मौकादेखि हामीले यो टुर्नामेन्टको आयोजना गर्न लागेका हौँ । स्वस्थ जीवनशैली र फूटसलका शौखिनहरुका लागि धेरै लामो समय पछि एक खालको रिफ्रेस्मेन्ट होस भन्ने उद्देश्यले ‘अन्नपुर्ण ओपन फूटसल टुर्नामेन्ट’ गर्न थालिएको हो,’ सिटी हेल्थ स्टुडियो, धुमबराहीका सञ्चालक तथा टुर्नामेन्ट आयोजक उद्धव मानन्धरले बताए ।

विजेता टोलीले ट्रफीसहित १ लाख नगद प्राप्त गर्नेछन् भने उप विजेताले ट्रफीसहित ५० हजार नगद पुरस्कार प्राप्त गर्नेछन् । टुर्नामेन्ट बिहान ८ बजे प्रारम्भ हुनेछ ।