काठमाडौँ– संविधानिवद भिमार्जुन आचार्यले प्रधानमन्त्रीलाई आफ्नो विवेक अनुसार चल्न नदिँदाको परिणाम आज मुलुकले भोगिरहेको बताएका छन् ।
उनले संसद विघटनको कदममाथि असहमति रहेपनि भारतीय मिडियाका लागि प्रधानमन्त्रीले दिएको अन्तर्वार्ता गर्व गर्न लायक रहेको बताएका छन् ।
‘कानून र संविधानमाथि ओली र वहाँको सरकारले गरेका तमाम हर्कतमाथि मेरा असहमति छन। तर, प्रधानमन्त्री ओलीले हालसालै भारतीय मिडियाका लागि दिनु भएको अन्तर्वार्ताको म उच्च सम्मान गर्छु’, उनले फेसबुकमा लेखेका छन् , ‘देशको सार्वभौमिकता र स्वाधीनताको सम्मान र प्रतिरक्षा गर्नु हरेक नागरिक र राज्यका पदाधिकारीको कर्तव्य हो । प्रधानमन्त्रीले अन्तर्वार्तामार्फत यो कर्तव्य पूर्णरुपमा पालना गर्नु भएको छ ।’
उनले अरूको उस्काहटमा नलागेर कानून-संविधान र आफ्नो विवेक अनुसार प्रधानमन्त्री चलेको भए अथाव उनलाई चल्न दिइएको भए मुलुकले उनीमाथि सधैँ गर्व गर्न सक्ने उल्लेख गरेका छन् ।
उनले लेखेका छन्, ‘वहाँ निकटस्थ कतिपय चाटुकार र लम्पटहरूले ( यो देशको प्रगती र समृद्धिका वाधक ) वहाँलाई कानून र विवेक अनुसार चल्न दिएनन् । जसको sufferer आज स्वयम् प्रधानमन्त्री र सिंगो मुलुक हुन पुगेको छ । जय देश ।’
उनले फेसबुकमा यस्तो लेखेका छन्-
कानून र संविधानमाथि ओली र वहाँको सरकारले गरेका तमाम हर्कतमाथि मेरा असहमति छन। तर, प्रधानमन्त्री ओलीले हालसालै भारतीय…
Posted by Bhimarjun Acharya on Tuesday, 12 January 2021
प्रतिक्रिया