काठमाडौँ– नेपाल कम्युनिस्ट पार्टीका अध्यक्ष पुष्पकमल दाहाल ‘प्रचण्ड’ले नेकपा नेता तथा पूर्व मन्त्री गोकर्ण विष्टकी आमाको निधनमा दुःख व्यक्त गरेका छन् ।

उनले सामाजिक सञ्जालमा नेता विष्टकी माता चिन्तकला विष्टको ९० वर्षको उमेरमा निधन भएको खबरले स्तब्ध भएको जनाएका छन् । उनले दिवंगत आमाप्रति भावपूर्ण श्रद्धाञ्जली व्यक्त गर्दै शोकाकूल परिवारमा समवेदना प्रकट गरेका छन् ।

उनले फेसबुकामा लेखेका छन्–

‘हाम्रो पार्टीका स्थायी कमिटी सदस्य तथा पूर्व श्रम तथा रोजगार मन्त्री गोकर्ण विष्टकी ममतामयी आमा चिन्तकला विष्टको ९० वर्षको उमेरमा आज निधन भएको खबरले स्तब्ध भएको छु । दिवंगत आमाप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना प्रकट गर्दछु ।’