काठमाडौँ– नेपाल विद्यार्थी संघका पूर्व महामन्त्री मनोजमणि आचार्य नेपाली कांग्रेसको खुला केन्द्रीय सदस्यको उम्मेदवार बनेका छन् ।
रोल्पाली युवा नेता आचार्यले पार्टीभित्र निष्ठा र इमानको राजनीतिका पक्षमा आफू उभिएको बताउँछन् । लामो समय नेविसंघमा काम गर्दा हासिल गरेको अनुभवलाई पार्टीमा खर्च गर्न चाहेको आचार्यको भनाइ छ ।
‘म रोल्पाजस्तो विकट र युद्ध प्रभावित जिल्लाबाट लोकतन्त्र र कांग्रेसको पक्षमा होमिएको सिपाही हुँ । निष्ठा र इमानको राजनीति गर्दै पार्टीलाई योगदान गर्नु नै मेरो उम्मेदवारीको उद्देश्य हो’, आचार्यले भने ।
कांग्रेस विधानअनुसार खुलातर्फको केन्द्रीय सदस्यमा ३५ जना निर्वाचित हुनेछन् ।
प्रतिक्रिया