काठमाडौँ- नेपाली कांग्रेसको १४औं महाधिवेशनमा नेता प्रकाशमान सिंहले सभापतिमा उम्मेदवारी घोषणा गरेका छन् ।

काठमाडौँमा एक समारोहबीच उनले उपसभापति सुजाता कोइरालासहितको प्यानल नै घोषणा गरेका हुन् ।

सभापतिमा उम्मेदवारी घोषणा गर्दै सिंहले अवधारणापत्र पनि सार्वजनिक गरेका छन् ।

उम्मेदवारी घोषणा समारोहमा सिंहले १३औं महाधिवेशनबाट निर्वचित भएर आएका सभापति शेरबहादुर देउवाले विधान अनुसार काम नगरेको बताए ।

विधानअनुसार नचल्दा पार्टीको छबि बिग्रिएको बताउँदै सिंहले भने, ‘महाधिबेशन ४ वर्षमा हुनुपर्ने विधान उल्लेख भएपनि त्यसलाई  पालन गरिएन । पार्टीले जुन गति लिनु पर्ने हो त्यो लिन नसकेकाले मेरो उम्मेदवारी हो ।’

नेपालमा संकट पर्दा नेपाली का|ग्रेसले नै प्रमूख भूमिका खेल्दै आएको  स्मरण गर्दै सिंहले भने,’तर अहिले त कांग्रेस नै थला परेको छ ।’ पार्टीको दुर्गतीको कारक देउवा नै भएको बताएका सिंहले चुनावमा टिकट दिने बेलामा भएको विभेदले नै पार्टीलाई सिध्याएको तर्क गरे ।