शरीर पहेँलो देखिनु, जीउ फुस्रो र कमजोर हुनु, दुब्लाउँदै जानु यस रोगका प्रमुख लक्षणहरु हुन् ।

खान र गर्न नहुने कुराहरु :

यो रोगले पीडित रोगीहरुले भिटामिन र खनिजतत्व प्राप्त नहुने खानेकुराहरु, मैदाका परिकारहरु, पालि गरेको र बढी पखालेको चामलको भात एवं असन्तुलित र अप्राकृतिक खानेकुराहरु खानु हुँदैन  ।

खान र गर्न हुने कुराहरु :

यो रोगका बिरामीले भिटामिन, खनिजतत्व, लौहतत्व एवं फलामतत्व बढी पाइने खानेकुराहरु जस्तै : फलामको कराहीमा पकाएको कालो मासको दाल, पालुङ्गो, लुँडे, सिस्नु, प्याज र लसुनको साग आदिमा बढी जोड दिनुपर्छ ।

त्यस्तै गाँजर, मुला, गोलभेँडा, दाख, किसमिस, केराउ, केरा, स्याऊ, अम्बा, सुन्तला, मौसम, कागतीजस्ता फलफूल तजा तरकारीहरु प्रशस्त मात्रामा खाने, फलफूल र तरकारीको रस एवं दूध खाने, शरीरलार्ई मालिस गर्ने, गहुँको जमाराको रस आदि पिउनुको साथै विशेष जडीबुटीहरुको सेवन गर्दै जाने हो भने रक्तअल्पतामा पूर्ण रुपमा सुधार आउँछ ।

साभार  : ‘योगाभ्यास तथा घरेलु उपचार विधि’पुस्तकबाट