काठमाडौँ-  संखुवासभाको मादीमा भएको सामूहिक हत्याकाण्डको आरोपमा प्रहरीले एक जनालाई पक्राउ गरेको छ ।

सामूहिक हत्या काण्डको आरोपमा स्थानीय एक युवालाई पक्राउ गरिएको छ । उनी हत्या भएको कार्की परिवारको आफन्त रहेको प्रहरीले जनाएको छ ।

घटनाको अनुसन्धानमा सक्रिय संघीय प्रहरी एकाई कार्यालय धरानका एसपी भीम दाहालले अनुसन्धानबाट अझै केही कुरा पूरा गर्नु पर्ने भएकाले त्यो पुष्टि  हुनेवित्तिकै पक्राउ परेका व्यक्तिलाई सार्वजनिक गरिने जानकारी दिए ।

संखुवासभाको मादी नगरपालिका १ खोला गाउँको उम्लिङमा सोमबार तेजबहादुर कार्की र उनकी श्रीमती कमला कार्की, तेजबहादुरकी आमा पार्वती कार्की, तेजबहादुरकी जेठी बुहारी रञ्जना कार्की, नाती ११ वर्षीय दीपेन कार्की, नातिनी सात वर्षीया गोमा कार्कीको हत्या भएको थियो ।