कतिपय युवतीलाई अग्लो हिलवाला जुत्ता चप्पल लगाउन मन पर्दछ । अझ उचाई अग्लो देखियोस् भनेर धेरै महिलाले हाई हिलवाला जुत्ता चप्पल लगाउने गर्दछन् । तर यस्ता जुत्ता चप्पले खुट्टाका नङमा असर पार्ने गर्दछ ।

खुट्टाका नङमा असर पार्ने कारणमा अग्लो हिल प्रमुख रहेको छ । दोयला विश्वविद्यालयका विज्ञहरूले गरेको र लाइभ साइन्समा प्रकाशित भएको नयाँ अध्ययनले खुट्टाका नङमा हुने नोक्सानको प्रमुख जिम्मेवार अग्लो हिल रहेको उल्लेख गरेको छ ।

अग्लो हिल लगाउँदा खुट्टाका नङ मांसपेशीभित्र पस्छन् । अनि नङमा बढी दबाब पर्छ । साथै कहिलेकाहीं यो समस्या वृद्घि हुँदै जादाँ पूरै नङ नै हटाउने स्थितिसमेत आउने देखिएको छ । अध्ययन अनुसार, यसले धेरै गम्भीर समस्या समेत उत्पन्न हुन सक्छ ।

यतिमात्र होइन, नङमा देखिएको समस्याको समयमा उपचार भएन भने यसले नङलाई सधैकालागि नोक्सानी पुर्याउँछ । जसका कारण संक्रमणबाट बच्न वा यस प्रकारको समस्या देखिएमा खुट्टालाई मनतातो पानीमा केहिबेर चोब्नुपर्छ र राम्ररी सुकाएर गुणस्तरीय एन्टिसेप्टिक क्रिम लगाउनुपर्छ ।