सुनसरी- बीपी कोइराला स्वास्थ्य विज्ञान प्रतिष्ठान धरानमा उपचाररत थप दुई कोरोना संक्रमितको मृत्यु भएको छ ।
विराटनगरका ४८ र सुनसरीको कोसी गाउँपालिकाका ४३ वर्षीय पुरुषको उपचारका क्रममा मृत्यु भएको हो ।
विराटनगर महानगरपालिका–१४ का पुरुषको उपचारका क्रममा सोमबार राति ९ बजे मृत्यु भएको प्रतिष्ठानले जनाएको छ ।
यस्तै सुनसरीको कोसी गाउँपालिका– १ का पुरुषको सोमबार राति ९ बजेतिर मृत्यु भएको प्रतिष्ठानले जनाएको छ ।
पीसीआर परीक्षण गराउँदा उनलाई वैशाख १२ गते कोरोना पुष्टि भएको थियो । होम आइसोलेसनमै राखिएका उनलाई स्वास्थ्यमा समस्या हुन थालेपछि वैशाख १६ गते उपचारका लागि भर्ना गरिएको थियो ।
प्रतिक्रिया