काठमाडौँ– नेपाल विकास अनुसन्धान प्रतिष्ठान (नेविअप्र) ले यही चैत्र ३१ गते विविध कार्यक्रम गरी वार्षिकोत्सव मनाउने भएको छ ।

१८ औँ वर्ष पूरा गरी १९ औँ वर्ष प्रवेश गरेको अवसरमा विशेष कार्यक्रमको आयोजना गर्न लागेको हो ।

नेपालमा आवश्यक पर्ने नीति निर्माणमा सहयोग पुर्‍याउने उद्देश्यका साथ वि.स. २०६० मा स्थापना भएको गैर नाफामूलक, गैर राजनितिक सोच केन्द्र (थिंक टयांङ्क) हो ।

नेविअप्रले द्रुत आर्थिक विकासका लागि अनुसन्धान अपरिहार्य हुन्छ भन्ने कुरालाई आत्मसात् गर्दै देशको नीति नियम निर्माणमा नेपाल सरकार र अन्य सरोकारवालालाई आवश्यक सहयोग पुर्‍याउँदै आएको छ ।

मन्त्रिपरिषदका पूर्व अध्यक्ष खिलराज रेग्मीको प्रमुख आतिथ्यता रहनेछ । सो अवसरमा उनले “सामजिक न्याय, सुशानस र विकास”का विषयमा विशेष सम्बोधन गर्ने कार्यक्रम तय भएको छ ।

यस्तै उक्त समारोहमा प्रतिष्ठानद्वारा तयार पारिएको ‘सर्टिङ नेटवर्क’ सम्बन्धी शैक्षिक सामाग्रीहरू वितरण गरिने जनाइएको छ । यी सामग्रीहरू विद्यालयस्तरका बालबालिकाहरूलाई कम्प्युटर शिक्षा पठनपाठनको लागि विशेष उपयोगी रहेका छन् ।

उक्त कार्यक्रममा पररास्ट्रमन्त्री प्रदीप कुमार ज्ञवाली, शिक्षामन्त्री कृष्ण गोपाल श्रेष्ठको उपस्थिति रहनेछ साथै कार्यक्रममा पूर्वमन्त्री, सचिव, पूर्वसचिव, विश्व विद्यालयका उपकुलपति, पूर्व उपकुलपति, विदेशी कुटनीतिज्ञहरू, विद्वत वर्ग, विकासकर्मी, नागरिक समाज, राजनीतिज्ञ लगायतका विभिन्न क्षेत्रमा योगदान पुर्‍याइरहेका विशिष्ट व्यक्तिहरूको उपस्थिति रहनेछ।

कार्यक्रममा शिक्षा, स्वास्थ्य, वातवरण, भाषा, जलवायु परिवर्तन सम्बन्धी सामग्रीहरुको समते प्रदर्शन गरिने छ।