काठमाडौं– शिक्षक बन्न संघर्षरत एक युवाको कथा समेटिएको फिल्म ‘प्रकाश’को बिहीबार मनकामना मन्दिरमा मुहुर्त गरिएको छ ।

अभिनेता प्रदीप खड्काको शीर्ष भूमिकामा अभिनय रहने फिल्मको युनिट छायांकनका लागि बिहीबारै जुम्ला गएको छ । दिनेश
राउतकेा निर्देशन रहने ‍ फिल्ममा रेनु योगीको ‘डेब्यू’ अभिनय छ ।

फिल्ममा प्रदीप र रेनुसँगै दीया मास्के, प्रकाश घिमिरे, राजन खतिवडा, रामबाबु रेग्मी, निरज पन्थी, हुम विसी, प्रशान्त श्रेष्ठ, गोविन्द सुनवार, दीपेन्द्र शाही लगायतका कलाकारहरुको पनि अभिनय रहनेछ ।

विनिश इन्टरटेनमेन्टको ब्यानरमा निर्माण हुने फिल्ममा महेन्द्र अधिकारीको लगानी रहनेछ । फिल्ममा राजेश श्रेष्ठको छायांकन, विकास सुवेदीको कथा, अनुप बरालको कास्टिङ तथा ताराप्रकाश लिम्बु, एलिस कार्की, दीपक शर्माको संगीत रहनेछ ।

सन् २०२१ भित्र रिलिज हुने फिल्म आरआर फिल्मस्ले वितरण गर्नेछ ।