काठमाडौँ– काठमाडौँ महानगरपालिकाले स्थानीय पाठ्यक्रम (नेपाल भाषा) अध्यापन गराउने शिक्षकको माग गरेको छ ।

खबरहबले गत माघ २६ गते काठमाडौँ महानगरले स्थानीय पाठ्यक्रम दियो शिक्षक दिएन भन्ने शीर्षकमा छापेको समाचारपछि महानगरको नेपाल भाषा व्यवस्थापन समितिको मिति २०७७ माघ २८ गतेको निर्णणअनुसार आन्तरिक स्रोतबाट पारिश्रमिक उपलब्ध गराउने गरी करार सेवामा १७२ जना शिक्षकको माग गरेको हो ।

१८ वर्ष पुरा भई ४० वर्ष ननाघेका योग्य नागरिकले दरखास्त दिन पाउने महानगरपालिकाले जनाएको छ ।

मानसिक अवस्था ठीक भएको, नैतिक पतन देखिने फौजदारी अभियोगमा अदालबाट कसुरदार नठहरिएको र कम्तिमा एसईई र वा सो सरह उतिर्ण गरेका व्यक्तिले दरखास्त दिन पाउने महानगरको शिक्षा विभागले जारी गरेको सूचनामा उल्लेख गरिएको छ ।

त्यस्तै नेपाल भाषा संरक्षण र सम्बद्र्धन गर्ने दर्तावाल संस्थाले नेपाल भाषा बोल्न लेख्न र प्रशिक्षण गर्न योग्य छ भनी दिएको सिफरिस पत्र आवश्यक पर्ने पनि सूचनामा उल्लेख गरिएको छ ।