काठमाडौँ– नेपाल कम्युनिस्ट पार्टी (नेकपा) प्रचण्ड–माधव समूहका अध्यक्ष माधवकुमार नेपालले प्रधानमन्त्री केपी शर्मा ओलीले कम्युनिस्ट पार्टी र आन्दोलनलाई सिध्याउन खोजेको आरोप लगाएका छन् ।

काठमाडौँमा प्रतिनिधिसभा विघटन विरुद्ध नागरिक संगठनहरुले सोमबार गरेको नागरिक भेलामा उनले लोकतन्त्रको मूल्यमान्यतामाथि प्रधानमन्त्री ओलील आघात पुर्‍याएको आरोप लगाएका हुन।

संविधानलाई मिच्दै संसद विघटन गरेर ओलीले लोकतन्त्रको मूल्यमान्यतामाथि आघात पुराएको बताए ।

पौष ५ गते प्रधानमन्त्रीले चालेको कदम संविधानको मर्म विपरित भएकै कारण संघर्ष गर्नुपरेको उनको तर्क थियो ।

उनले पदमा रहदा पदीय दायित्व पूरा नगरेका कारण अध्यक्ष केपी ओलीलाई कारबाही गरिएको जिकिर गरे ।

समावेशीता, धर्मनिरपेक्षता र संघीयताको अडानबाट ओली विचलित भएको उनको आरोप थियो ।

अध्यक्ष नेपालले निर्वाचन आयोग कुनै व्यक्तिको लहडमा नचल्ने चन्दै ४४१ जनाको केन्द्रीय कमिटी र पार्टीको विधानअनुसार निर्णय गर्ने दाबी गरे ।

उनले ओलीले कसैको सम्मान गर्न नजानेको भन्दै अर्काको अपमानमै रमाइरहेको समेत टिप्पणी गरे ।