काठमाडौँ– मुक्तिनाथ क्यापिटल लिमिटेडको विशेष साधारणसभा यही कात्तिक २३ गते सम्पन्न भएको छ ।

क्यापिटलका अध्यक्ष सीताराम काफ्लेको अध्यक्षतामा कमलादी, काठमाडौँमा भएको विशेष साधारणसभाले प्रस्तावित १ः१ को अनुपातमा हकप्रद शेयर निष्काशन गर्ने प्रस्ताव सर्वसम्मत पारित गरेको छ ।

हकप्रद शेयर निष्काशनपछि क्यापिटलको पुँजि वृद्धि भई ४० करोड ५० लाख पुग्ने जनाइएको छ ।

मुक्तिनाथ क्यापिटल लिमिटेडले नेपाल धितोपत्र बोर्डबाट अनुमति प्राप्त गरी निष्काशन तथा बिक्री प्रबन्ध, शेयर रजिस्ट्रेशन, लगानी व्यवस्थापन, निक्षेप सदस्य तथा प्रत्याभूतिकर्ता सम्बन्धी सेवाहरु प्रदान गर्दै आएको छ ।

कम्पनीले चालु आर्थिक वर्षदेखि संस्थागत परामर्शदाता अन्तर्गतका सेवाहरु संचालन गर्ने योजना रहेको विज्ञप्तिमा जनाइएको छ ।

यसैगरी चालु आर्थिक वर्षभित्र मुक्तिनाथ विकास बैंक लिमिटेड कोष प्रबद्र्धक तथा मुक्तिनाथ क्यापिटल योजना व्यवस्थापक रहने गरी सामूहिक लगानी कोष सञ्चालन गर्ने योजना समेत रहेको जनाएको छ ।