कप्तान मल्ल ४५ रनमा आउट, नेपालले तेस्रो विकेट गुमायो काठमाडौँ– नेपालले पपुवा न्यूगिनी (पीएनजी)विरुद्धको दोस्रो एक दिवसीय अन्तर्राष्ट्रिय क्रिकेटमा सुस्त ब्याटिङ गरेको छ ।

ओमानमा भइरहेको डे नाइट खेलमा नेपालले पहिला ब्याटिङ गर्दा सुरुमै विकेट गुमाउन पुग्यो । ६ रनमा ओपनर कुशल भुर्तेललाई गुमाएको नेपालले अर्का ओपनर आरिफ शेखलाई ९ को स्कोरमा गुमायो ।

त्यसपछि नेपाललाई कप्तान ज्ञानेन्द्र मल्ल र रोहित पौडेलले उकासे । मल्ल अर्धशतक बनाउनबाट चुके । उनी ७० बलमा ४५ रन बनाएर आउट हुँदा नेपालको स्कोर ९८ रन थियो । मल्ल र रोहितबीच ८९ रनको साझेदारी भएको थियो ।
नेपालले यो समाचार तयार पार्दासम्म ३ विकेट गुमाए र २९ ओभरमा ११९ रन बनाएको छ ।

रोहित पौडेल ४१ रन बनाएर खेलिरहेका छन् । उनलाई बिनोद भण्डारीले साथ दिइरहेका छन् । नेपालले पहिलो खेल २ विकेटले जितेको थियो ।