काठमाडौँ– प्रहरीले चितुवाको छालासहित दुई जनालाई पक्राउ गरेको छ ।

जिल्लाा प्रहरी कार्यालय पाल्पाका अनुसार पक्राउ पर्नेहरुमा रिब्दिकोट गाउँपालिका ७ का ४२ वर्षीय विष्णुबहादुर खत्री र सोही स्थानका ४० वर्षीय रविल मिया रहेका छन् ।

मंगलबार दिउँसो रिब्दिकोट गाउँपालिका ५ कुसुमखोलाबाट उनीहरुलाई पक्राउ गरिएको हो । विषेश सूचनाका आधारमा लु्म्विनी प्रदेश अनुसन्धान समुह र प्रहरी चौकी हार्थाेकको सयुक्त टोलीले मुझुङ्ग वतासेबाट तानसेन ल्याउदै गर्दा छाला बरामद गरिएको प्रहरीको भनाइ छ ।

उनीहरुको शरिर तथा झोला खानतलासी गर्दा चितुवाको छला बरामद गरिएको  जिल्ला प्रहरी कार्यालय पाल्पाका सूचना अधिकारी रामेश्वर त्वातीले जानकारी दिए ।

उनीहरुबाट घटनामा प्रयोग गरिएको लु ३७ प ४४४ नम्बरको मोटरसाईकल समेत प्रहरीले नियन्त्रणमा लिएको छ । उ

नीहरुलाई अनसुन्धानको लागी डिभिजन वन कार्यालय पाल्पामा बुझाइएको र आवश्यक अनुसन्धान जारी रहेको प्रहरीले जनाएको छ ।